قلـــ ملاك ـــبي
عدد الرسائل : 175
العمر : 33
المزاج : مزااااااااجيه
تاريخ التسجيل : 03/09/2008
 | | موضوع: لاتعشم نفسك اني بالغرام اهواك ... السبت نوفمبر 15, 2008 12:28 pm | |
| تركد لاتعشم نفسك اني بالغرام اهواك
ترى منته بربٍ لي تموتني وتحييني
انا ماقلت لك اني هويتك تابعه لرضاك
ولافكرت فدروب الهوى لو كنت تغليني
انا بنتٍ شريفه واطيه قلبي قبل لاآطاك
وطيته قبل فدروب المشاكل لايوطيني
اذا هذي طبوعك دايمٍ تمشي على عمياك
اببعد عنك قبل انك تبلاني وتعميني
بنات اهل الشرف والعز ماهي ملك في يمناك
وانا لامن بغيتك املكك في راحة يميني
تخربط بالكلام وشوف هرجك وين هو وداك
وانا هرجي على دروب الشرف دايم يوديني
كساك الحلم من راسك لتفكيرك ليا ماطاك
تحسبني احبك واعشقك وانت اجمل سنيني ؟؟
ترى والله مااااتسوى ولاذرة رمل ياذاك
ولاتسوى بعد دمع الفرح والحزن في عيني
تبلاني بحبٍ ماعرفته ربنا يبلاك
وانا بنت ولاامشي في دروب العيب والشيني
انا بنتٍ ربت في بيت عز وسيرته تسواك
على دين وسلوم وعز وعهود وبراهيني
مانيب من عاااالم الموضه وغصن البان هو والراك
عزيزة نفس والعزة عن امثاالك تعزيني
وتركد لاتعشم نفسك اني بالغرام اهواك
ترى منته بربٍ لي تموتني وتحييني...
تحيــــاتي / قلبي ملاكـ
دمـــــتـ بووود ــمـ | |
|
